कमेडी च्याम्पियनको टिम चढेको कार दुर्घटना

नेपालभ्युज

काठमाडौं । टेलिभिजन रियालिटी शो ‘कमेडी च्याम्पियन’को टिम चढेको कार दुर्घटना भएको छ । उनीहरु सवार बा–१–०२६ क ०३५९ नम्बरको कार प्रदेश ३ ०१ –००३ –प ६२९८ नम्बरको टिपरसँग ठोक्किएर दुर्घटनामा परेको प्रहरीले बताएको छ ।

भक्तपुरको जगाती नजिक सडकमा भएको उक्त दुर्घटनामा ६ जना घाइते भएका छन् । घाइते हुनेमा निर्देशक विशाल भण्डारी, पूजन अधिकारी, सुशान्त बस्याल, रजनीश अर्याल, प्रकृति गिरी र पवन भट्टराई रहेको जिल्ला प्रहरी कार्यालय भक्तपुरले जनाएको छ ।

दुर्घटनालगतै उनीहरुलाई मध्यपुर ठिमी अस्पतालमा लगिएको थियो । अस्पतालमा उपचाररत एकजनाको अवस्था गम्भीर रहेको बताइएको छ । निर्देशक भण्डारी र पूजन अधिकारी भने डिस्चार्ज भएका छन् ।