इङ्लिस प्रिमियर लिग फूटबलमा लिभरपुलको संघर्षपूर्ण जीत

नेपालभ्युज

काठमाडौं । इङ्लिस प्रिमियर लिग फूटबलमा लिभरपुलले संघर्षपूर्ण जीत निकालेको छ ।

उपाधि होडमा रहेको लिभरपुलले गएराति भएको खेलमा नटिंघम फोरेस्टलाई १–० गोल अन्तरले पराजित गरेको हो ।

लिभरपुलले अतिरिक्त समयको पनि अन्तिम समयमा गोल गरेर कठिन जीत सुरक्षित गरेको छ । निर्धारित ९० मिनेटको खेल गोलरहित भएपछि अतिरिक्त समयको नवौं मिनेटमा लिभरपुलका लागि डार्विन नुनेजले गोल गर्दै लिभरपुलको जीत पक्का गराए ।

जीतपछि शीर्ष स्थानको लिभरपुलले २७ खेलबाट ६३ अंक जोडेको छ । एक खेल कम खेलेको दोस्रो स्थानको म्यानचेस्टर सिटी लिभरपुल भन्दा चार अंकले पछि छ ।