पूर्वी अर्जेन्टिनामा आएको आँधीका कारण १४ जनाको मृत्यु
विमान पनि हावाले उडाए
नेपालभ्युज
काठमाडौं । पूर्वी अर्जेन्टिनामा भएको भिषण वर्षा र आँधीका कारण १४ जनाको मृत्यु भएको छ । १५० किलोमिटर प्रति घण्टा को गतिमा आएको आँधीका कारण मानवीय क्षतिसँगै भौतिक संचरनामा क्षति पुगेको हो ।
रोलर स्केटिङ प्रतियोगिता भइरहेका बेला आएको आँधीका कारण खेलकुद केन्द्रको छत १३ जनाको मृत्यु भएको बीबीसीले जनाएको छ । थप १४ जना जना घाइते भएका छन् । उनीहरुलाई भग्नावेशष मुनिबाट उद्दार गरिएको छ ।
आज बिहान रुखको हाँगाले लागेर मोरेनो सहरमा अर्की एक महिलाको मृत्यु भएको छ । दक्षिणमा अवस्थित बन्दरगाह रहेको सहर बाहिया ब्लान्कामा शनिबार आएको आँधी राजधानी तर्फ सर्दै गएको समचारमा जनाइएको छ ।
नयाँ राष्ट्रपति जेभियर माइलीले पदभार ग्रहण गरेको एक सातापछि त्यहा प्राकृतिक विपत्ती आइलागेको हो ।
स्थानीय मिडिया द्वारा प्रकाशित भिडियो फुटेजमा ब्यूनस आयर्स नजिकैको एरोपार्क एयरपोर्टमा आँधीले विमानलाई समेत उडाएको देखिन्छ ।
आँधीको प्रभाव छिमेकी मुलुक उरुग्वेमा पनि परेको छ । त्यहा दुई जनाको मृत्यु भएको बताइएको छ ।
Facebook Comment
Comment