काठमाडौं। दक्षिणी युक्रेनको खेरसनस्थित आवासीय क्षेत्रमा गत राति भएको गोलाबारीमा नौ महिनाको बच्चासहित एक दर्जन व्यक्ति घाइते भएको स्थानीय अधिकारीले बताएका छन् ।
युक्रेनले गत नोभेम्बर २०२२ मा खेरसनको क्षेत्रीय राजधानीलाई फिर्ता लिएको थियो । तर, दक्षिणी शहर रुसी आक्रमणको निशानामा नै रहेको थियो ।
रुसी सेनाले बारम्बार सहर तथा बस्तीहरूलाई लक्षित गरी आक्रमण गर्दा खेरसनले भयानक स्थितिको सामना गर्नुपरेको क्षेत्रीय गभर्नर अलेक्जेन्डर प्रोकुडिनले बताएका छन् । आक्रमणमा ११ जना गम्भीर घाइते भएको तथा २७ वर्षकी आमा र उनकी छोरीलाई सामान्य घाइते अवस्थामा अस्पतालमा भर्ना गरेकोसमेत उनले बताए।
उनले गरेको पोस्टमा पर्खालका धेरै तला तथा झ्यालहरू पूर्णरूपमा क्षति भएको देखिन्छ । घाइतेमध्ये रेडक्रसमा काम गर्न एक ३३ वर्षीय चिकित्सक भएको र उनलाई अस्पताल भर्ना गरिएको युक्रेनी स्रोतले जनाएको छ।
आतङ्कवादी रणनीति भनेको रुसले विश्वास गर्ने विषय भएको राष्ट्रपतिका प्रमुख सुरक्षा सल्लाहकार इन्ड्री एमार्कले सामाजिक सञ्जाल टेलिग्राममा बताएका छन् ।-रासस
Facebook Comment
Comment