सूर्यविनायक-रत्नपार्क ‘फास्ट ट्रयाक’का लागि ‘रेड लेन’ तयार (तस्वीरहरू)

भक्तपुरको सूर्यविनायकदेखि काठमाडौंको रत्नपार्कसम्म सञ्चालन हुने द्रुत बस सेवाका लागि विशेष लेन तयार भएको छ । रातो रंग पोतेर निर्धारण गरिएको उक्त लेनमा भोलि (बुधबार)देखि बस चल्दैछ ।

सरोज बस्नेत

काठमाडौं । भक्तपुरको सूर्यविनायकदेखि काठमाडौंको रत्नपार्कसम्म सञ्चालन हुने द्रुत बस सेवाका लागि विशेष लेन तयार भएको छ । रातो रंग पोतेर निर्धारण गरिएको उक्त लेनमा भोलि (बुधबार)देखि बस चल्दैछ ।

त्यसका लागि सडकमा धमाधम डेडिकेटेड लेन बनाउने काम भइरहेको छ। उक्त बससेवाको भोलि संविधान दिवसको अवसर पारेर उद्घाटन हुँदैछ ।

द्रुत सेवा अन्तर्गतका बसहरू बिहान ९ बजेदेखि ११ बजेसम्म र साँझ ४ देखि ६ बजेसम्म गरी दुई सिफ्टमा चल्नेछन्। त्यो समयमा यी बस गुड्ने डेडिकेटेड लेनमा अन्य सवारी साधन चलाउन पाइने छैन।