काठमाडौं। आज पश्चिमको तुलनामा मध्य र पूर्वी क्षेत्रमा धेरै पानी पर्ने भएको छ ।
मौसम पूर्वानुमान महाशाखाका अनुसार हाल देशभर सामान्य देखि पूर्ण बदली रही कोशी, मधेश, बागमती, गण्डकी, लुम्बिनी र कर्णाली प्रदेशका थोरै स्थानहरूमा हल्का देखि मध्यम वर्षा भइरहेको छ।
दिउँसो देशभर सामान्य देखि पूर्ण बदली रहनेछ। कोशी, मधेश, बागमती , गण्डकी र लुम्बिनी प्रदेशका केही स्थानहरू र बाँकी प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ।
कोशी, बागमती, र गण्डकी प्रदेशका थोरै स्थानहरू तथा मधेश र लुम्बिनी प्रदेशको एक-दुई स्थानमा मेघ गर्जन/ चट्याङ्ग सहित भारी वर्षाको समेत सम्भावना रहेको छ।
रातप देशभर सामान्य देखि पूर्ण बदली रहनेछ। कोशी, मधेश, बागमती र गण्डकी प्रदेशका केही स्थानहरूमा र बाँकी प्रदेशका थोरै स्थानहरूमा हल्का देखि मध्यम वर्षाको सम्भावना रहेको छ।
कोशी, मधेश, बागमती र गण्डकी प्रदेशका एक-दुई स्थानहरुमा मेघ गर्जन/ ट्याङ्ग सहित भारी वर्षाको सम्भावना रहेको छ।
आज रातिदेखि विस्तारै मौसम खुल्न थाल्ने मौसमविद्ले जनाएका छन् । भोलि शनिबार दिउँसोदेखि भने देशैभरको मौसममा सुधार आउने अनुमान छ ।
Facebook Comment
Comment