बिदा हुँदै निवर्तमान स्वास्थ्यमन्त्री खापुङले भने, ‘कार्यकाल उपलब्धिमूलक रह्यो’

नेपालभ्युज

काठमाडौं। निवर्तमान स्वास्थ्य तथा जनसङ्ख्यामन्त्री भवानीप्रसाद खापुङले आफ्नो कार्यकाल उपलब्धिमूलक भएको दाबी गरेका छन् ।

स्वास्थ्य मन्त्रालयमा भएको बिदाइ कार्यक्रममा नयाँ कामको सुरुवात नभए पनि पुराना कार्यक्रमहरूको निरन्तरता उपलब्धिमूलक भएको दाबी गरेका हुन् ।

उनले भने ‘मेरो छ महिने कार्यकालमा नयाँ सुरुआत नभए पनि पुराना कामको निरन्तरता उपलब्धिमूलक भएको छ’

उनले नीति, रणनीति र कानुन तर्जुमा, पूर्वाधार निर्माणमा, कोभिड–१९, हैजा र डेङ्गु महामारी रोकथाम तथा नियन्त्रण र सेवा प्रवाह तथा सेवा विस्तार भएका उपलब्धि महत्त्वपूर्ण भएको बताए।