‘वीर, राष्ट्रिय ट्रमा सेन्टर, कान्ति बाल अस्पतालमा दुई सिफ्टमा बहिरंग सेवा’

काठमाडौं । सरकारले वीर अस्पताल, राष्ट्रिय ट्रमा सेन्टर, कान्ति बाल अस्पताल लगायत पर्याप्त जनशक्ति उपलब्ध भएका अस्पतालहरूमा दुई सिफ्टमा बहिरंग सेवा सञ्चालन गर्ने भएको छ ।

नेपाल सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले कान्ति बाल अस्पतालमा थप पूर्वधार निर्माण र स्तरोन्नति गरी सुविधा सम्पन्न बनाइने बताए ।

‘शहीद गंगालाल राष्ट्रिय हृदय केन्द्रलाई हृदय रोग सम्बन्धी विशेषज्ञ उत्पादन गर्न सक्षम संस्थाको रुपमा विकास गरिने छ’, सरकारको नीति तथा कार्यक्रममा उल्लेख छ ।

संघीय अस्पतालहरूलाई कार्यबोझका आधारमा पुनर्संरचना गरिने पनि नीति तथा कार्यक्रममा उल्लेख छ ।