सर्वोच्चमा जबरा आउने भएसँगै सुरक्षाकर्मीको संख्या बढाइयो

काठमाडौँ । निलम्बित प्रधानन्यायाधीश चोलेन्द्र शमशेर जबरा सर्वोच्च अदालत आउने तयारी गरेसँगै सर्वोच्च परिसरमा सुरक्षाकर्मीको संख्या बढाइएको छ ।

बुधबार संघीय संसद्‌का महासचिव भरतराज गौतमले महाभियोग निष्क्रिय भएको पत्र पठाएसँगै जबराले सर्वोच्च जाने तयारी गरेका हुन् ।

उनी आउने भएसँगै सर्वोच्च परिसरमा सुरक्षाकर्मीको संख्या बढाइएको हो । अहिले त्यहाँ सुरक्षाकर्मीको बाक्लो उपस्थिति देखिएको छ ।

गत वर्षको फागुन १ गते प्रतिनिधिसभामा महाभियोग दर्ता भएपछि जबरा स्वतः निलम्बनमा परेका थिए ।

लोकप्रिय (यो साता)