काठमाडौं। भारतसँगको तेस्रो तथा अन्तिम टी-२० क्रिकेट दक्षिण अफ्रिकाले जितेको छ । इन्दोरमा दक्षिण अफ्रिकाले भारतलाई ४९ रनले हराउँदै सान्त्वना जीत हात पारेको हो ।
दक्षिण अफ्रीकाले दिएको २ सय २८ रनको लक्ष्य पछ्याएको भारतले १८ ओभर ३ बलमा अलआउट हुँदै १ सय ७८ रन मात्रै बनायो । भारतका दिनेश कार्तिकले ४६ रन जोडे । दीपक चाहरले ३१ तथा ऋषव पन्थले २७ रन बनाए । बलिङतर्फ दक्षिण अफ्रीकाका ड्वाने प्रिटोरिउसले ३ तथा वायन प्रनिल, लुंगी एनगिडी र केशव महाराजले २/२ विकेट लिए ।
त्यसअघि पहिले ब्याटिङ गरेको दक्षिण अफ्रीकाले २० ओभरमा ३ विकेट गुमाएर २ सय २७ रन बनाएको थियो । दक्षिण अफ्रीकाका रिली रस्सोले अविजित १ सय रन बनाए । यस्तै क्विन्टन डी ककले ६८, ट्रिस्टान स्टुब्सले २३ तथा डेभिड मिलरले अविजित १९ रन बनाए । भारतका दीपक चाहर र उमेश यादवले १/१ विकेट लिए । अन्तिम खेलमा पराजित भएपनि भारतले शृङ्खला २-१ ले जितेको छ ।
Facebook Comment
Comment