SKIP

रूसको प्रतिबन्ध सूचीमा थपिए अमेरिकी कांग्रेसका ३९८ सदस्य

रूसले क्यानडाको सिनेटका ८७ सदस्यमाथि पनि प्रतिबन्ध लगाएको छ।

नेपालभ्युज

एजेन्सी। रूसले अमेरिकी कांग्रेसका ३९८ सदस्यहरूलाई आफ्नो यात्रा प्रतिबन्धको सूचीमा थपेको छ। रूसी विदेश मन्त्रालयले उक्त जानकारी दिएको हो।

अमेरिकी राष्ट्रपति जो बाइडेन प्रशासनले २४ मार्चमा राज्य डुमाका ३२८ सांसदहरू विरुद्ध लगाएको रूस विरोधी प्रतिबन्धको अर्को ‘लहर’को प्रतिक्रियाको रूपमा थप ३९८ जनामाथि प्रतिबन्ध लगाएको मन्त्रालयले जनाएको छ।

रूस–युक्रेन युद्धको बीचमा अमेरिकी राष्ट्रपति बाइडेनले युक्रेनलाई तोपखाना र हेलिकप्टरसहित नयाँ सैन्य सहायतामा ८०० मिलियन अमेरिकी डलर अनुमोदन गरेपछि यो निर्णय आएको हो।

यसबाहेक रूसले क्यानडाको सिनेटका ८७ सदस्यमाथि पनि प्रतिबन्ध लगाएको छ।

गत २४ फेब्रुअरीमा डोनेट्स्क र लुहान्स्कका टुक्रिएका गणतन्त्रहरूले युक्रेनी सेनाहरू विरुद्ध आफूलाई बचाउन मद्दतको लागि अपिल गरेपछि रूसले युक्रेनमा सैन्य कारबाही शुरु गरेको हो।