विवेकशीलभन्दा देश माथि भन्दै दर्शनाले छाडिन् पार्टी

संघीय गणतान्त्रिक नेपालमा वैकल्पिक राजनीतिको खोल ओढेर विवेकशील साझाले अत्यधिक फोहोर गरिरहेको आरोप लगाउँदै उनले पार्टी छाडेकी हुन्।

नेपालभ्युज

काठमाडौं। रञ्जु दर्शनाले विवेकशील साझा पार्टी परित्याग गरेकी छन्। बिहीबार ‘विवेकशील साझाभन्दा देश माथि’ नामको विज्ञप्ति जारी गर्दै उनले पार्टी छाडेको घोषणा गरेकी हुन्।

‘नेपालमा वैकल्पिक राजनीतिको खोल ओढेर अत्यधिक फोहोर गरिरहेको छ जुन मैले सफा गर्ने कोशिस पनि गरें तर पूर्ण रूपले सफा गर्न असमर्थ रहें तसर्थ म यही संगठनमा बसेर नेपाली राजनीतिमा थप फोहोर बढाउन सक्दिनँ,’ उनले भनेकी छन्।

पार्टी अध्यक्ष रवीन्द्र मिश्रले गत २ पुसमा दर्शनालाई कारबाही गर्दै बागमती प्रदेश संयोजकको जिम्मेवारीबाट हटाएका थिए।