सशस्त्रकी इन्सपेक्टर झुण्डिएको अवस्थामा मृत भेटिइन्

नेपालभ्युज

काठमाडौं । शसस्त्र प्रहरी बल नेपालकी एक महिला इन्सपेक्टर झुण्डिएको अवस्थामा मृत भेटिएकी छन् ।

सिन्धुपाल्चोक घर भएकी सन्तोषी महत डोरीको पासो लगाएर झुण्डिएको अवस्थामा मृत फेला परेको सशस्त्र प्रहरीका सहप्रवक्ता शैलेन्द्र थापाले बताए ।

महत १७ बेसिक (२०८१) कि इन्सपेक्टर हुन् । उनले पोखरामा इन्सपेक्टरको बेसिक तालिम गरिरहेकी थिइन् ।

महतको शव पोस्टमार्टम गर्ने तयारी भइरहेको बताइएको छ । उनी २०७२ सालमा सशस्त्रको सिपाहीमा भर्ना भएकी थिइन् । उनले २०७८ सालमा असई र २०८१ सालमा इन्सपेक्टरमा नाम निकालेकी थिइन् ।