कोशी : बजेट अधिवेशन आह्वान गर्न प्रदेश प्रमुखलाई सरकारको स्मरणपत्र

काठमाडौं । कोशी प्रदेश सरकारले बजेट अधिवेशन सिफारिस गरिसकेको विषयबारे प्रदेश प्रमुखलाई स्मरणपत्र बुझाएको छ।

बुधबार मन्त्रीहरू प्रदीप सुनुवार, शमशेर राई र कमल जवेगुले प्रदेश प्रमुख परशुराम खापुङसमक्ष स्मरणपत्र बुझाएका हुन्।

बुधबार बसेको मन्त्रिपरिषद् बैठकले जेठ ११ गतेलाई बजेट अधिवेशन बोलाउन सिफारिस गरेको विषय प्रदेश प्रमुखलाई पुनः स्मरण गराउने निर्णय गरेको थियो।

प्रदेशमा नयाँ सरकार गठनका लागि प्रदेश प्रमुखलाई दबाब दिइरहेका बेला सरकारले संसद अधिवेशन आह्वान गर्न प्रदेश प्रमुखलाइ स्मरण गराएको हो।

लोकप्रिय (यो साता)