आर्मीलाई हराउँदै पुलिसले जित्यो प्रधानमन्त्री कप क्रिकेटको उपाधि

काठमाडौं। नेपाल पुलिस क्लबले प्रधानमन्त्री कप राष्ट्रिय क्रिकेटको उपाधि जितेको छ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा शनिबार भएको फाइनल खेलमा पुलिसले आर्मीलाई ६ विकेटले पराजित गरेको हो।

यससँगै पुलिसले प्रतियोगिता अपराजित रहँदै उपाधि उचालेको छ। १८२ रनको लक्ष्य पुलिसले ३७.५ ओभरमा ४ विकेटको क्षतिमा पुरा गर्यो।

पुलिसका लागि शंकर रानाले अर्धतशकीय पारी खेले । ४३ बलमा ५ चौका र ४ छक्का मद्दतमा उनले अविजित ६२ रन बनाएका थिए ।

अर्जुन साउदले ३६ र अमित श्रेष्ठले २८ रनको योगदान गरे। आरिफ शेख २७ रनमा अविजित रहे। आर्मीका लागि जितेन्द्र मुखिया, कुशल मल्ल, शाहब आलम र बसिर अहमदले १–१ विकेट लिए।

पहिले ब्याटिङ गरेको आर्मी १ बल अगाडी १८१ रनमा अलआउट भएको थियो । विवेक यादवले ६३, सोमपाल कामीले ३९, इम्रान शेखले २८ र कुशल मल्लले १७ रन बनाए ।

आर्मीलाई सस्तैमा प्याक गर्न पुलिसका लागि ललित राजवंशी र दीपेन्द्र सिंह ऐरीले ३–३ विकेट लिएका थिए ।