नेप्से परिसूचक ५४.५४ अंकले बढ्यो, कारोबार रकम ८ अर्बमाथि

नेपालभ्युज

काठमाडौं । साताको कारोबारको तेस्रो दिन आज नेप्सेमा उछाल आएको छ । आइतबार दोहोरो अंकले बढेको नेप्से हिजो बन्द रहेको थियो । आज मंगलबार सेयर बजार खुलेसँगै बढ्न थालेको नेप्से ५४ दशमलव ५४ अंकले माथि उक्लिएको हो ।

आज बढेको सेयर बजार परिसूचक २१७५ दशमलव १७ विन्दुमा पुगेर बन्द भएको छ । आज ३०४ कम्पनीको १ लाख ३३ हजार ६१ पटकको कारोबारमा २ करोड ३३ लाख ७० हजार कित्ता सेयर किनबेच भएको छ । जसमा कारोबार रकम ८ अर्ब २३ करोड ८६ लाख रहेको छ ।

त्यस्तै, आज क वर्गको कम्पनीको मापक सेन्सेटिभ इन्डेक्स पनि ९ दशमलव २६ अंकले बढेर ३९७ दशमलव ४३ विन्दुमा पुगेको छ ।