बालकुमारी घटनामा भौतिकमन्त्रीसँगै श्रममन्त्रीमाथि पनि छानबिन गर्न संसदीय समितिको निर्देशन

काठमाडौं । संसद्‌को राज्य व्यवस्था तथा सुशासन समितिले बालकुमारी घटनामा भौतिक पूर्वाधार तथा यातायात मन्त्री प्रकाश ज्वालासँगै श्रम रोजगार तथा सामाजिक सुरक्षामन्त्री शरत सिंह भण्डारीमाथि पनि छानबिन गर्न निर्देशन दिएको छ ।

समितिको सोमबार बसेको बैठकले शुक्रबार प्रहरीको गोली लागेर दुई युवाको मृत्यु भएको घटनमा दुईजना मन्त्रीमाथि छानबिन गर्न सरकारलाई निर्देशन दिएको हो ।

समितिले मृतकका परिवारलाई थप क्षतिपूर्ति दिन र रोजगारीको अवसर उपलब्ध गराउन पनि सरकारलाई निर्देशन दिएको छ।

समितिले घटनामा सम्बन्धित साना कर्मचारीहरू मात्र निलम्बनमा पर्ने र अरु उम्किने अवस्था नआओस् भन्दै सरकारलाई सचेत पनि गराएको छ ।