घट्यो सेयर बजार, सूचकसँगै सुस्त कारोबार रकम

नेपालभ्युज

काठमाडौं । कारोबारको तेस्रो दिन नेप्से परिसूचक सुस्त देखिएको छ । यस दिन नेप्से सूचकसँगै कारोबार रकम पनि घटेको हो ।

आज नेप्से परिसूचक ५.०५ अंक घटेर १९९३.४२ विन्दुमा झरेको छ । त्यसै गरी, कम्पनीको मापक सेन्सेटिभ इन्डेक्स पनि ०.७१ अंक घटेको छ भने सेन्सेटिभ फ्लोट इन्डेक्स ०.३९ अंक र सेन्सेटिभ फ्लोट इन्डेक्स ०.२६ अंक घटेको छ ।

कारोबार अघिल्लो दिन ९८ करोडभन्दा बढीको शेयर खरिदबिक्री भएको बजारमा आज भने २७८ स्टकको २९ हजार ६४० पटकको कारोबारमा ८६ करोड ५१ लाख २० हजार रुपैयाँ बराबरको ४० लाख ६ हजार कित्ता शेयर खरिदबिक्री भएको छ ।