अरुणाञ्चल र ताइवानलाई समेटेर चीनद्वारा नयाँ नक्सा जारी, भारतले जनायो विरोध

एजेन्सी । चीनले आफ्नो मानक नक्साको नयाँ संस्करण जारी गरेको छ। चीनले भारतको अरुणाञ्चल प्रदेश, अक्साई चिन, ताइवान र साउथ चाइना सीलाई आफ्नो क्षेत्रमा देखाएको छ ।

चीनले नक्सा सार्वजनिक गरेलगत्तै भारतले असहमति जनाउँदै विरोध गरेको छ । भारतले अरुणाचल प्रदेश सधैं भारतको अभिन्न अंग रहेको र सधैं रहने बताएको छ ।

चीनले सोमबार २०२३ को नयाँ नक्सा जारी गरेको चिनियाँ अखबार ग्लोबल टाइम्सले ट्विट गरेको छ । ग्लोबल टाइम्सले ट्विट गर्दै चीन र विश्वका विभिन्न देशको राष्ट्रिय सिमाना कोर्ने विधिको आधारमा नक्सा तयार गरिएको जनाएको छ ।चीनले अरुणाचल प्रदेशलाई दक्षिणी तिब्बतको हिस्सा मान्छ।

तर, भारतले चीनको यो नक्सा अस्वीकार गरेको छ । भारतले अरुणाचल प्रदेश भारतको अभिन्न अंग हो र भविष्यमा पनि भारतको अभिन्न अंग रहने बताएको छ ।

योसँगै चीनले ताइवानलाई पनि आफ्नो भूभाग मान्छ । चिनियाँ राष्ट्रपति सी जिनपिङले ताइवानलाई एकीकरण गर्ने लक्ष्य राखेका छन्। यसका लागि चीनले भियतनाम, फिलिपिन्स, मलेसिया, ब्रुनाई र साउथ चाइना सीलाई पनि दाबी गर्दै आएको छ ।

The 2023 edition of China’s standard map was officially released on Monday and launched on the website of the standard map service hosted by the Ministry of Natural Resources. This map is compiled based on the drawing method of national boundaries of China and various countries… pic.twitter.com/bmtriz2Yqe

— Global Times (@globaltimesnews) August 28, 2023