SKIP

मुग्लिन-नारायणगढ सडक बन्द हुने र खुल्ने क्रम चल्दै

पहिरो खस्दावित्तिकै खुलाउने प्रयास भइराखेको डिभिजन सडक कार्यालय भरतपुरले जानकारी दिएको छ । पानी परिराखेकाले पहिरो पन्छाउन कठिन भएको छ ।

नेपालभ्युज

काठमाडौं। चितवनको मुग्लिङ नारायणगढ सडक खण्ड अन्तर्गत कालिखोलामा पहिरो खस्दा राजमार्गको यात्रा अनिश्चित बनेको छ ।

कालिखोला र यसको नजिकको विभिन्न स्थानमा साना ठुला पहिरो आएर राजमार्ग अवरुद्ध हुने र खुल्ने क्रम चलिरहेको जिल्ला ट्राफिक प्रहरी कार्यालय चितवनले जानकारी दिएको छ ।

पहिरो ग्रस्त क्षेत्रबाट ढुंगा झरिरहेकाेले सडक डिभिजनबाट तैनाथ अवस्थामा राखिएको मेशिनद्वारा तत्कालै पहिरो हटाई यातायात संचालन गराउदै आएको कार्यालयले जानकारी दिएको छ ।