SKIP

प्रचण्डको प्रष्टीकरण: प्रीतम सिंहले लेखेकोबारे बोलेको हुँ, त्यो कुरा मेरो होइन

छिट्टै पूर्वमाओवादीहरु एकैठाउँ आउने दाबी

प्रधानमन्त्री पुष्पकमल दाहाल ‘प्रचण्ड’ले सरदार प्रीतम सिंहबारे आफूले बालेको कुरालाई बङ्याएर विपक्षीले बबण्डर मच्चाउन खोजेको बताएका छन् ।

नेपालभ्युज

काठमाडौं । प्रधानमन्त्री पुष्पकमल दाहाल ‘प्रचण्ड’ले सरदार प्रीतम सिंहबारे आफूले बालेको कुरालाई बङ्याएर विपक्षीले बबण्डर मच्चाउन खोजेको बताएका छन् । पुस्तक विमोचन कार्यक्रममा ‘प्रितम सिंहले लेखेको कुरालाई आफूले बोलेको’ भन्दै उनले स्पष्टीकरण दिएका छन् ।

‘मैले उहाँ सामाजिक सेवा र यातायातको क्षेत्रमा मात्रै नभइ राजनीतिमा पनि चासो राख्ने व्यक्ति भएको र आफूलाई प्रधानमन्त्री बनाउनका लागि कहिले दिल्ली, कहिले नेपालका पार्टीहरुसँग लाग्नुहुन्थ्यो भनेको हो’, उनले भने, ‘उहाँको बारेमा भनेको कुरालाई उचालेर फेरि एकपटक बबण्डर गर्न खोजिएको छ, त्यो बेलुन पनि छिटै फुट्नेवाला नै छ ।

कार्यक्रममा उनले छिट्टै पूर्वमाओवादीहरु एकै ठाउँँमा आउने पनि बताए । उनले २०८४ को आमनिर्वाचनमा २०६४ सालमा माओवादीले जितेकोभन्दा पनि बढी सिट जित्ने दाबी गरे ।