काठमाडौं। सवारी दुर्घटनामा परी दुई जनाको मृत्यु भएको छ । दुर्घटनामा परी भक्तपुरको सूर्यविनायक नगरपालिका-७ गुण्डु तिनधारेस्थित सडकमा स्कुटर दुर्घटनामा एक पुरुषको मृत्यु भएको छ ।
बा.९३ प ५८८१ नम्बरको स्कुटर अनियन्त्रित भई शनिबार राति दुर्घटना हुँदा स्कुटर चालक सोही नगरपालिका-६ पाण्डुबजार बस्ने ४५ वर्षीय कृष्ण कुमार त्वाटीको मृत्यु भएको हो ।
दुर्घटनामा गम्भीर घाइते भएका उनको ङा.ईवामुरा अस्पताल सल्लाघारीमा उपचारको क्रममा मृत्यु भएको प्रहरीले जनाएको छ । साथै, दुर्घटनामा घाइते भएकी स्कुटरमा अन्य १ जनाको सोही अस्पतालमा उपचार भइरहेको छ ।
यसैगरी, तनहुँको पृथ्वी राजमार्गअन्तर्गत तनहुँको आँबुखैरेनी गाउँपालिका–१, बरादीमा आइतबार दिउँसो बस र मोटरसाइकल ठोक्किँदा एकजनाको मृत्यु भएको छ । दुर्घटनामा धादिङको नेत्रावती गाउँपालिका–४ का मोटरसाइकलचालक अन्दाजी २७ वर्षीय सागर तामाङको मृत्यु भएको प्रहरीले जानकारी दिएको छ ।
Facebook Comment
Comment