कपाल झर्नबाट रोक्न महँगा स्याम्पु पनि फेल छन् यी योगासनका अगाडि

एजेन्सी। कपाल झर्नु आजकल युवतीको मात्र समस्या नभएर युवाहरूको पनि उत्तिकै समस्या छ । कपाल झर्ने, टुक्रिने, सुख्खा हुने आदि समस्याबाट छुट्कारा पाउनका लागि जो कोही पनि प्रभावकारी स्याम्पु, तेल आदिको खोजीमा हुन्छन् ।

यस्ता विभिन्न सामग्री प्रयोग गर्दा पनि कपालको समस्या जस्ताको तस्तै छ भने तपाईं केही फरक तरिकाले कोसिस गर्न सक्नुहुन्छ ।

त्यसका लागि यदि तपाईंले केही योगासनहरू नियमित गर्नुभयो भने कपाल झर्ने समस्या सँगै कपाल बाक्लो पनि हुने निश्चित छ । यस्तो कैयौं योगासन छन्, जसले तपाईंको कपाल झर्ने समस्याबाट छुट्कारा दिन्छन् साथमा कपाल बढ्ने र बाक्लो पनि हुने गर्छ । आउनुहोस् जानौं ती योगासनका बारेमा ।

उत्तानासन

उत्तानासनलाई क्यामेल पोज पनि भनिन्छ । सुरुआती समयमा यो गर्न एकदमै गाह्रो लाग्छ । तर, नियमित गर्दै जाँदा यो सरल हुन थाल्छ । यो आसनले टाउकोसम्म अक्सिजनको प्रवाहलाई राम्रो बनाउने काम गर्छ । यसको माध्यमबाट कपालका जरा तथा फोलिकलहरू बलियो हुन्छन् र कपाल तीव्र गतिमा बढ्न थाल्छ ।

मत्स्यासन

मत्स्यासन वा फिस पोज, कपालको ग्रोथलाई दुई गुणाको गतिमा बढाउन प्रभावकारी छ । यो आसन सजिलै घरमा गर्न सकिन्छ । यस आसनको माध्यमबाट टाउकोसम्म अक्सीजन सही मात्रामा पुग्छ । जसले गर्दा कपालले राम्रोसँग बढ्न पाउँछ ।

बज्रासन

यो एकदमै सरल योगासन हो । कपाल बढाउने तथा पातलो झर्ने कपालको समस्याबाट छुट्कारा पाउनका लागि यो आसन एकदमै प्रभावकारी हुन्छ । खासमा यसले पेटको पाचन प्रक्रियालाई पनि सही गराउँछ । धेरैजसो कपाल झर्ने र पातलो हुनुको पछाडि पेट खराब हुनु पनि हो ।

शीर्षासन

शीर्षासनलाई ह्यान्डस्ट्यान्ड पोजिसनको नामले पनि चिनिन्छ । यस आसनलाई गर्नाले टाउकोसम्म रक्तप्रवाह राम्रो हुन्छ । जसले गर्दा कपाल झर्न तथा पातलो हुने समस्या निर्मूल हुन्छ । यसबाहेक कपाललाई पुनः उमार्नका लागि पनि यो योगासन एकदमै प्रभावकारी छ । कपालको समस्याबाट छुट्कारा पाउनका लागि शीर्षासन गरेर हेर्न सकिन्छ ।