बारा । आगामी वैशाख १० गते हुने प्रतिनिधिसभा सदस्य उपनिर्वाचन लक्षित गर्दै नेपाल भारत सीमा नाका बन्द गरिने भएको छ । बाराका प्रमुख जिल्ला अधिकारी नवराज सापकोटाले बुधाबार एक सूचना जारी गर्दै बारा जिल्लासँग जोडिएका नेपाल भारतका सीमा नाका बिहीबार रातिदेखि ३ दिनका लागि बन्द गरिने जानकारी दिएका हुन् ।
उपनिर्वाचनलाई स्वच्छ, निष्पक्ष, पारदर्शी र भयरहित वातावरणमा सम्पन्न गर्न शान्ति सुरक्षालाई दुष्टिगत गरी स्थानीय प्रशासन ऐन २०२८ को प्रावधान अनुसारको यस्तो आदेश गरिएको हो ।
जारी सूचना अनुसार बारा क्षेत्र नं.२ भित्र पर्ने हुलाकी राजमार्ग लगायत सम्पूर्ण राजमार्ग ९ गते राती १२ देखि १० गते साँझ ७ बजेसम्मका लागि बन्द गरिनेछन् । यस्तै जिल्ला सुरक्षा समितिको बैठकले मंगलबारदेखि १० गतेसम्म जिल्ला भरी सबै प्रकारका मादक पदार्थ ओसारपसार, बिक्री वितरण र सेवनमा समेत रोक लगाएको छ ।
वैशाख १० गते बारा-२, चितवन-२ र तनहुँ-१ मा उपनिर्वाचन हुँदैछ ।
यस्तो छ सूचना
Facebook Comment
Comment