काठमाडौं। यू–१९ पुरुष विश्वकप एसियाली छनोटमा नेपालले लगातार तेस्रो जित निकालेको छ। यूएईस्थित मलेक क्रिकेट मैदानमा सोमबार भएको खेलमा नेपालले हङकङलाई ९ विकेटले पराजित गरेको हो।
१२१ रनको लक्ष्य नेपालले २२.१ ओभरमा १ विकेटको क्षतिमा पूरा गरेको हो। नेपालका लागि आकाश त्रिपाठीले ७२ बलमा ५ चौका र ४ छक्का प्रहार गर्दै ६४ रनको योगदान गरे। उत्तम रङ्गु थापा मगरले ५० बलमा ४ चौका प्रहार गर्दै ३९ रन बनाए। अर्जुन कुमालले १२ बलमा ३ चौका प्रहार गर्दै १६ रन जोडे।
हङकङका लागि ड्यानियल मोर्गनले १ विकेट लिए। पहिले ब्याटिङ गरेको हङकङले ४६.३ ओभरमा १२० रनमा अलआउट भएको हो। हङकङका लागि पार्थ भागवतले ३६ र अलियान जाहिरले ६७ रन बनाए।
नेपालको लागि हेमन्त धामीले ३, सुवास भण्डारी र आकाश चन्दले २–२, दीपेश कँडेलले १ विकेट लिए। यसअघि, छनोटमा नेपालले शुक्रबार सिंगापुरलाई र शनिबार कुवेतलाई पराजित गरेको थियो।
Facebook Comment
Comment