शोभराजलाई नेपाल कहिल्यै आउन नपाउने गरी ‘डिपोर्ट’ गरिँदै, बिदाइ गर्न जाँदै पत्नी र सासू  

काठमाडौं। कुख्यात अन्तर्राष्ट्रिय अपराधी चार्ल्स शोभराजलाई नेपाल कहिल्यै आउन नपाउने गरी उनकै देश फ्रान्स पाठाईदैछ। आज जेलमुक्त गरेर अध्यागमन विभागले फ्रान्स ‘डिपोर्ट’ गर्न लागेको हो।

शोभराजका आफन्त र वकिलले भने उनलाई केही दिन नेपालमै बस्ने व्यवस्था मिलाउन पहल गरिरहे पनि अध्यागमनले भने नेपालमा राख्न नचाहेको हो। शोभराजलाई फ्रान्स फिर्ता पठाउन आवश्यक पर्ने कागजपत्र मिलाउने काम भइरहेको अध्यागमनले जानकारी दिएको छ।

यसका लागि अन्तिम तयारी भइरहेको अध्यागमन विभागकी निमित्त महानिर्देशक प्रर्दशनी कुमारीले बताइन्। उनले भनिन् ‘‘आज हामीले जेलबाट शोभराजलाई ल्याउँछौँ। त्यसपछि उनलाई आफ्नै देश पठाउँदैछौँ। यसपछि उनी कहिल्यै नेपाल आउन नपाउने गरी पठाइन लागिएको हो।’’

१९ वर्षसम्म जेलमा रहेका शोभराज कुख्यात अपराधी भएको कारण नेपालमा राख्दा अन्तर्राष्ट्रिय रूपमा समेत गलत सन्देश जाने भन्दै फिर्ता गर्न लागेको हो। उनीविरुद्ध भारत, थाइल्याण्ड, इरानलगायतका दर्जन बढी देशमा मुद्दा छन्। कतिपय देशमा सजाय काटेर आए पनि कतिपय देशमा सजाय भुक्तान गर्न बाँकी छ।

सर्वोच्चले भन्यो: चार्ल्स शोभराजलाई थुनामा राख्नुको कारण देखाऊ

बुधबार सर्वोच्चका न्यायाधीशद्वय सपना प्रधान मल्ल र तिलप्रसाद श्रेष्ठको संयुक्त इजलासले शोभराजलाई शर्तसहित थुनामुक्त गर्न आदेश दिएको थियो। १५ दिनभित्र उनकै देश पठाउन पनि आदेश दिइएको थियो।

शोभारजलाई फ्रान्स पठाउने भएपछि शोभराजलाई बिदाइ गर्न उनकी सासू तथा वकिल शकुन्तला विश्वास र उनकी छोरी तथा जेलमै बिहे गरेकी निहिता विश्वास डिल्लीबजारस्थित अध्यागमन कार्यालयमा पुगिसकेका छन्। कैद भएको समयमा नै शोभराजले २० वर्षीय युवती निहिता विश्वाससँग जेलमा नै बिहे गरेका थिए।

शोथराजले कैद छुटको माग गर्दै ४ वर्षअघि सर्वोच्च अदालतमा रिट दर्ता गरेका थिए। अमेरिकी नागरिकको हत्या अभियोगमा कसुरदार ठहर भई सर्वोच्चकै फैसलाबाट केन्द्रीय कारागारमा थुनामा रहेका शोथराजले वारेसमार्फत रिट दर्ता गरेका थिए।

२० भन्दा बढि हत्यामा मुछिएका शोभराज १९ वर्षपछि छु्ट्दैछन्, भारतमा जेलबाटै भागेका थिए

२०३२ सालमा एक अमेरिकी नागरिकको हत्या अभियोगमा उनलाई सर्वोच्चले जन्मकैदको सजाय सुनाएको थियो। जन्मकैदमा २० वर्षको सजायको व्यवस्था अनुसार उनी २०८० असोज १ सम्म कैदमा बस्नुपर्ने थियो।

सर्वोच्चले ७८ वर्ष उमेर पुगिसकेको र मुटुको सर्जरी गर्नुपर्ने अवस्था देखिएकोले उनलाई अन्य मुद्दा नभए छाड्न आदेश दिएको हो।

जेलभित्रै युनुसलाई गोली हानेको मुद्दाका कारण शोभराजको रिहाइमा ढिलाई