आँबुखैरेनीमा सडक भासियो, पृथ्वी राजमार्गमा सवारी आवागमन ठप्प

नेपालभ्युज

तनहुँ। पृथ्वी राजमार्गअन्तर्गत पर्ने मुग्लिङ–पोखरा सडकखण्ड निर्माणको क्रममा आँबुखैरेनी गाउँपालिका–२ स्थित खानीखोला पुल नजिकैको सडक भासिएको छ । सडक भासिँदा राजमार्ग अवरुद्ध भएको छ ।

आइतबार बिहान करिब १० बजेदेखि अवरुद्ध उक्त सडकखण्ड हालसम्म पनि मर्मत नहुँदा अवागमन हुन नसकेको इलाका प्रहरी कार्यालय आँबुखैरेनीले जनाएको छ ।

राजमार्ग चौडा पार्ने क्रममा सडक भासिँदा पुलमा पनि असर पुगेको छ । साना सवारी साधनलाई वैकल्पिक बाटोबाट गन्तव्यमा पुग्न मद्दत गरिएको जिल्ला प्रहरी नायब उपरीक्षक युवराज खड्काले बताए । माटो हालेर सडक पुर्ने काम भइरहेको छ ।

सडक अवरुद्ध हुँदा गन्तव्यमा हिँडेका सयौं सवारी साधन सडकमा अलपत्र परेका छन् ।