नयाँदिल्ली। भारतको पूर्वी राज्य विहारमा चट्याङबाट एकैदिन कम्तीमा २१ जनाको ज्यान गएको छ। चट्याङबाट मृत्यु भएकाबारे राज्यको विपद् व्यवस्थापन प्राधिकरणका एक अधिकारीले पुष्टि गरेका हुन् । खेतको काममा व्यस्त रहेका बेला उनीहरूको ज्यान गएको उनले बताए ।
विहारका १० जिल्लामा चट्याङ लागेर सर्वसाधारणको मृत्यु भएको बताउँदै उनले पूर्णिया र अररियामा चार–चार जना, सुपौलमा तीन, बाङ्का, जमुई र नवाडामा दुई–दुई तथा बेगुसराय, शेखपुरा, शारण र सहरसामा एक–एक जनाले ज्यान गुमाएका जानकारी दिएका छन् ।
यसैबीच, विहारका मुख्यमन्त्री नीतिशकुमारले चट्याङ लागेर ज्यान गुमाएका प्रत्येकका परिवारका सदस्यलाई भारू चार लाख क्षतिपूर्ति प्रदान गर्ने घोषणा गरेका छन् । साथै, उनले राज्यवासी सबैलाई सचेत रहन, प्रतिकूल मौसममा घरबाहिर ननिस्कन तथा विपद् व्यवस्थापन प्राधिकरणले जारी गरेका चेतावनीको पालना गर्न आग्रह गरेका छन् ।
Facebook Comment
Comment