काठमाडौं। लालिगामा आइतबार ३ खेल हुँदैछन् । रियल म्याड्रिडको गृह मैदानमा हुने पहिलो खेलमा घरेलु टोली र मल्लोर्का आमने सामने हुनेछन् । म्याड्रिड र मल्लोर्का बेलुकी पौने ६ बजे आमने-सामने हुनेछन् ।
म्याड्रिड आफ्नो पाँचौँ जितको खोजीमा छ भने मल्लोर्का दोस्रो जितको खोजीमा रहेको छ । लगातार ४ जित निकालेको म्याड्रिड १२ अंकसहित तालिकाको दोस्रो स्थानमा छ । मल्लोर्का भने ५ अंकसहित १३ औँ स्थानमा छ । अर्को खेलमा एल्चे र एथलेटिक बिलिबाओ राति ८ बजे भिड्दैछन् । एल्चेको गृह मैदानमा हुने खेलमा घरेलु टोली पहिलो जितको खोजीमा छन् । एथलेटिक भने तेस्रो जितको खोजीमा रहेको छ ।
एल्चे १ अंकसहित तालिकाको १८ औँ स्थानमा रहेको छ । ७ अंक जोडेको एथलेटिक भने सातौँ स्थानमा रहेको छ । अर्को खेलमा भने गेताफे र रियल सोसिडाड राति सवा १० बजे भिड्दैछन् । गेताफे पहिलो जितको खोजीमा रहेको छ । सोसिडाड भने तेस्रो जितको खोजीमा छ । १ अंक जोडेको गेताफे १९ औँ स्थानमा छ । ७ अंक जोडेको सोसिडाड भने तेस्रो जित निकाल्न चाहन्छ ।
Facebook Comment
Comment