वसन्त बोलाउँदै वसन्तपुर (फोटो फिचर)

काठमाडौं। रङहरूको पर्व होलीले रंगिएको छ देश। आज देशैभर केटाकेटीदेखि वृद्धवृद्धासम्म एकअर्कालाई रङ दलिदिएर उल्लास र विजयको पर्व होली मनाउँदैछन्। काठमाडौं पनि होलीको उमंगमा रमेको छ, त्यसमा अझ बढी झुमेको छ वसन्तपुर।

बुधबार वसन्तपुर दरबारअघि होलीका दहन गरी शुरु भएको होली भोलि पूर्णिमाका दिन त्यो चीर ढालेर तानेर लगी टुँडिखेलको मध्यभागमा दहन गरिन्छ। त्यसको भोलिपल्टदेखि वसन्त ऋतु प्रारम्भ हुने मान्यता स्थानीयको छ।