व्यासले पारित गर्‍यो चार विधेयक

तनहुँ। व्यास नगरपालिकाको शुक्रबार सम्पन्न ३६ औँ नगरसभाले चार विधेयक र तीन संशोधन ऐन पारित गरेको छ।

स्थानीय बजार व्यवस्थापन विधेयक २०७८, व्यास नगरपालिका सुशासन विधेयक २०७८, खेलकुद विकास विधेयक, २०७८ र कर्मचारी कल्याण कोष सञ्चालन(कार्यविधि) विधेयक २०७८ पारित गरेको हो।

त्यसैगरी, आर्थिक ऐन २०७८, विनियोजन ऐन २०७८, व्यास नगरपालिका कर्मचारी सेवा व्यवस्थापन गर्न बनेको ऐन २०७८(संशोधन) गरेको छ।

आव २०७८÷०७९ को लागि ३५ औँ नगर सभामा नगर प्रमुख बैकुण्ठ न्यौपानेबाट प्रस्तुत नीति तथा कार्यक्रम र समिक्षात्मक प्रतिवेदन संशोधनसहित पारित गरेको छ।

नगरसभाले आव २०७८/०७९ का लागि उपप्रमुख मीरा जोशीबाट प्रस्तुत एक अर्ब ७७ करोड ८९ लाख १२ हजारको संशोधित बजेट तथा कार्यक्रम संशोधनसहित पारित गरेको छ।