पोखरा। पोखरा आसपासका ठाउँमा बिहीबारदेखि भारी हिममपात भएको छ।
एक सातादेखि निकै चिसो बढेको गण्डकीमा बिहीबारसाँझ देखि हल्का वर्षा र केही ठाउँमा हिमपात समेत परेको छ। पर्वत, कास्की र स्याङ्जाको संगमस्थल पञ्चासे डाँडामा, अन्नपूर्ण गाउँपालिकाको लुम्ले र अष्ट्रेलियन क्याम्पमा बाक्लो हिउँ परेको छ। स्थानीयका दिपेश गुरुङका अनुसार पञ्चासेमा करिब ३ फिट हिउँ परेको छ। भने अष्ट्रेलियन क्याम्पमा करिब १ फिट बाक्लो हिउँ जमेको छ।
कास्कीको चर्चित पदमार्ग मर्दी हिमाल ट्रेकको हाइक्याम्प, लो क्याम्प र फरेष्ट क्याम्पमा बाक्लो हिमपात भएको छ। त्यसैगरी पर्यटकीय स्थलहरू घान्द्रुक, घोरेपानी र पुनहिललगायत स्थानमा समेत बाक्लो हिमापात भएको स्थानीयले जनाएका छन्।
पदमार्गमा पर्ने पुलहिल घोडेपानी उल्लेरीलगायत स्थानमा बाक्लो हिउँपात भएको छ। प्रदेशका मुस्ताङ, मानाङ, लमजुङ, गोरखा, बागलुङ र म्याग्दीलगायत जिल्लाहरूमा समेत भारी हिमपात भएको छ।
Facebook Comment
Comment