बार परिसरमै बाह्य घुसपैठ, वकिलमाथि आक्रमणको प्रयास

बार परिसरमा रहेका वकिलहरुलाई एक्कासी देखिएका बाह्य चारजना व्यक्तिहरुले धम्क्याउँदै आक्रमणको प्रयास गरेपछि वकिलहरु पनि उनीहरुमाथि जाइलागेका थिए।

नेपालभ्युज

काठमाडौं। नेपाल बार एशोसिएशनको भवन परिसरमै कानून व्यवसायीहरुमाथि आक्रमणको प्रयास भएको छ। प्रधानन्यायाधीश चोलेन्द्र शम्शेर जबराको राजीनामा माग्दै आन्दोलनरत वकिलहरुमाथि आक्रमणको प्रयास भएको हो।

बार भवनमा पदाधिकारी र उपत्यकाका बारका पदाधिकारबीच बैठक चलिरहेको समयमा बाहिर रहेका कानून व्यवसायीमाथि बाहिरी व्यक्तिहरुले आक्रमणको प्रयास गरेका हुन्।