पशुपति कोटीहोममा चन्द्रकला सखीको प्रस्तुति, गोरुले मयुर खान्छ भनेपछि ‘ट्रोल’ !

काठमाडौं । पशुपति कोटीहोममा लन्डनबाट आएकी सुन्दरी कथावाचिका चन्द्रकला सखीले आफ्नो कलाको प्रस्तुति दिइरहेकी छन् । उनको मधुर स्वर र भावपूर्ण शैलीले श्रोताहरूलाई मन्त्रमुग्ध पारिरहेको छ ।

कार्यक्रममा ठूलो संख्यामा भक्तजनको उपस्थिति छ । बुधबारबाट कथा वाचन गरिरहेकी चन्द्रकला सखीले नेपाली संस्कृति र परम्परासँग जोडिएका विभिन्न कथाहरू सुनाइन् ।

नेपालकी पहिलो महिला रामचरितमानस र भक्तमाला कथा वाचिका उनका कथाले भक्तजन दर्शकहरूलाई भावविभोर बनायो ।

तर, चन्द्रकला सखी पहिलो दिनको प्रस्तुतिमै सामाजिक सञ्जालमा ट्रोल हुन पुगेकी छन् । प्रवचनका क्रममा उनले ‘गोरुको प्रिय भोजन मयूर’ भनेपछि अहिले यसैलाई उनको अज्ञानताको परिसूचक मानेर फेसबुक र ट्वीटरमा आलोचना भइरहेको छ ।

पशुपति कोटिहोम: लण्डनबाट आइन् अर्की सुन्दरी कथावाचिका चन्द्रकला सखी, भक्तजनको थप आकर्षण

तर, शब्दकोशमा ‘मयुर’को अर्थ ‘फूल’ पनि छ । कतिपयले भने उनले फूलको कुरा गरेको भन्दै भनिरहेका छन् । कतिपयले सयौँ वर्षअघि गोरु मांसाहारी रहेको बताइरहेका छन् ।

विपरीत स्वार्थ र रुचि बोकेकाहरू पनि एउटै समाजमा मिलेर बस्न सक्छन् भन्ने दृष्टान्त दिन सखीले भगवान् शिव परिवारको प्रसंग निकालेकी हुन् । तर, ‘गोरुको आहारा मयूर’ हो भन्ने शब्दलाई मात्रै टिपेर टीकाटिप्पणी गरिएको छ ।

मृत्युको मुखबाट फर्किएर जीवनको गीत गाउँदै राधिका दासी, जसको जीवनकथाले छोएको छ भक्तजनको हृदय !

सामाजिक सञ्जालमा टिप्पणी भएपछि उनले बिहीबार दोस्रो दिनको प्रवचनमा माफी मागिन् । उनले आफू एक विदुषी नभएकोले सानोतिनो त्रुटिहरू हुन सक्ने बताइन् । बोल्दा कहिलेकाहीँ जिभ्रो चिप्लिन सक्ने भन्दै त्यसलाई ध्यान नदिन आग्रह गरिन् ।

उनले भनिन्, ‘मैले हिजो पनि भनेको थिएँ । म कुनै विद्वान होइन । म कुनै पण्डित, विदुषी होइन । सन्तजनको कृपा प्रसाद मात्रै यहाँहरूसमक्ष प्रस्तुत गरिरहेको छु । जसको कारण यहाँ प्रस्तुत गर्ने कुरामा कहीँ कतै त्रुटिहरू हुन सक्लान् । त्यसलाई हजुरहरूले पक्कै पनि एउटा सानी बालिकाले बोलेको सम्झेर क्षमा गर्नुहुन्छ होला ।’’

रवाफ देखाएको भन्ने विवादमा देवी प्रतिभाको दाबी १०\१२ होइन, म त ६०\७० बाउन्सरसँग हिँड्छु