जसपा नेपालको जारी महाधिवेशनमा बन्द सत्र सुरु, अध्यक्षको प्रतिवेदनमाथि समूहगत छलफल हुँदै

नेपालभ्युज

जसपा नेपालको जारी महाधिवेशनमा बन्द सत्र सुरु, अध्यक्षको प्रतिवेदनमाथि समूहगत छलफल हुँदै

काठमाडौं । जनता समाजवादी पार्टी (जसपा) नेपालको हिजोदेखि सुरु एकता महाधिवशेनमा आजबाट बन्द सत्र सुरु भएको छ ।

बन्द सत्रमा अध्यक्ष उपेन्द्र यादवले राजनीतिक प्रस्तावको प्रतिवेदन प्रस्तुत गर्दैछन् ।

यादवको प्रस्तावमाथि विभिन्न समूहले छलफल गर्ने प्रवक्ता मनिष सुमनले जानकारी दिए ।

अध्यक्ष यादवको प्रस्तावमाथिको छलफल लगत्तै लेखा समितिका अध्यक्ष अमरेश नारायण झाले लेखापरीक्षणको प्रस्ताव पेस गर्ने छन् । पार्टी विभाजन भएको केही दिनमै जसपा नेपालले महाधिवेशनको आयोजना गरेको हो ।

महाधिवेशन जनकपुरमा हिजोदेखि जारी छ ।

महाधिवेशनले नयाँ नेतृत्व चयन गर्नेछ । पार्टी विभाजन भएकाले अध्यक्षमा पुनः उपेन्द्र यादव दोहोरिने लगभग निश्चित छ ।

महाधिवेशनले अध्यक्षबाहेक सहअध्यक्ष १, उपाध्यक्ष ५, महासचिव २, उपमहासचिव ३, सचिव ७ र कोषाध्यक्ष एक गरि २०१ केन्द्रीय सदस्य र कार्यकारिणी सदस्य निर्वाचित गर्ने सुमनले बताए ।

 


Comment

Leave a Reply

Your email address will not be published. Required fields are marked *

थप समाचार

Copyright © 2024 Digital House Nepal Pvt. Ltd. - All rights reserved