काठमाडौं । अनुभवी भारतीय ब्याट्सम्यान शिखर धवनले आफ्नो विवाह हल्लाबारे बताएका छन् ।
जियो सिनेमाको शो ‘धवन करेंगे’ मा एक अन्तर्वार्ताका क्रममा दिग्गज भारतीय क्रिकेटर मिताली राजसँग आफ्नो विवाहको हल्लाबारे धवनले खुलासा गरेका छन् ।
मिताली राज भारतीय महिला क्रिकेटर मध्येकी एक हुन् । अहिले उनी महिला ओडीआईमा सर्वाधिक रन बनाउने खेलाडी हुन् ।
मितालीले पछिल्लो पटक क्राइस्टचर्चमा दक्षिण अफ्रिकाविरुद्ध सन् २०२२ को विश्वकप खेलमा भारतको तर्फबाट खेलेकी थिइन् ।
हाल मिताली राज वुमन्स प्रिमियर लिग (डब्ल्यूपीएल)मा गुजरात जायन्ट्सकी मेन्टर छिन् ।
अर्कोतर्फ, धवनले हालै आईपीएल २०२४ मा पञ्जाब किंग्सबाट खेलेका थिए ।
धवनले भने, ‘मैले मिताली राजसँग विवाह गर्न लागेको सुनेको छु। यो सबै सामाजिक सञ्जालमा फैलिएको हल्ला हो, यसमा कुनै सत्यता छैन । मैले विवाहबारे अहिले सोचेको पनि छैन ।’
मिताली र धवन शोमा अतिथिको रुपमा पुगेका थिए । हालै मात्र धवनको सम्बन्धविच्छेद भएको थियो ।
Facebook Comment
Comment