इजरायललाई दण्डित गरेरै छाड्ने इरानको दाबी , छोएर देखाउन इजरायलको चेतावनी

काठमाडौं । इरानले इजरायलको दादागिरीलाई ठेगान लगाउने बताएको छ ।

इदको अवसरमा टेलिभिजन सम्वोधनका क्रममा इरानका सर्वोच्च नेता आयातुल्लाह अली खमेनीले इजरायली दुष्ट शासनलाई गरिने बताए । सिरियास्थित इरानी वाणिज्य दूतावासमा इजरायलले हवाई हमला गरेपछि इरान रुष्ट भएको छ ।

रमजान अन्त्यको उत्सव मनाउने प्रार्थना समारोहमा खमेनीले हवाई हमला ‘गलत’ थियो भन्दै सिरियामा गरिएको भएपनि त्यो इरानी क्षेत्रमा हमला गरिएको जस्तै भएको बताए ।

खमेनीले सिरियास्थित इरानी वाणिज्य दूतावास क्षेत्रमा इजरायलले हमला गर्दा आफ्नै क्षेत्रमा हमला गरेको जस्तो भएको भन्दै  दुष्ट शासनलाई दण्डित गरिनुपर्छ भन्दै सम्बोधन गरेका थिए ।

इरानको वाणिज्य दूतावासमा भएको विस्फोटमा इरानका जनरलहरूसहित ७ जनाको मृत्यु भएपछि इरान इजरायलप्रति क्रुद्ध बनेको छ ।

खामेनीले इजराइलविरुद्ध जवाफी कारवाही गर्ने वाचा निरन्त दोहोर्याउदैआएका छन् । खामेनीको आक्रोशलाई जवाफ दिदै इजरायली विदेश मन्त्री इजराइल काट्जले इजरायलविरुद्ध इजराइलविरुद्ध आक्रमण गरे आफ्नो सेनाले सिधै इरानमाथि आक्रमण गर्ने धम्की दिएका छन् ।

उनले सामाजिक सञ्जाल एक्समार्फत इरानले इजरायलमाथि आक्रमण गरे सिधै इरानमाथि हमला गर्ने चेतावनी दिएका हुन् ।