काठमाडौं । नेकपा एमाले केन्द्रीय सचिवालयको आकस्मिक बैठक बसिरहेको छ । बिहान ७ बजेदेखि अध्यक्ष केपी शर्मा ओली निवास बालकोटमा जारी छ ।
हिजो दिनभर माओवादी केन्द्रसहितका अन्य दलका शीर्षनेताबीच भएका छलफल र सहमतिका विषयमा जानकारी दिन सचिवालयको बैठक बोलाइएको एमालेले जनाएको छ ।
नेकपा (माओवादी केन्द्र) र नेकपा (एमाले)सहितका दलहरूबीच नयाँ गठबन्धन बनाउने प्रारम्भिक सहमति भएसँगै एमालेले सचिवालय बैठकमा छलफल गरेको हो ।
हिजो साँझ प्रधानमन्त्रीको सरकारी निवास बालुवाटारमा बसेको दलहरूको बैठकमा नयाँ गठबन्धन सरकार बनाउने सहमति भएको बताइएको छ ।
यद्यपी सहमतिको लिखित सम्झौता भने हुन बाँकी रहेको एमाले नेताहरुले बताएका छन् । स्रोतका अनुसार नयाँ गठबन्धन सम्भवत आजै घोषणा हुने सम्भावना छ ।
नयाँ सत्ता गठबन्धन एमाले–माओवादी र रास्वपासहितको बन्ने गरि आन्तरिक तयारी तीब्र पारिएको छ ।
प्रधानमन्त्रीमा माओवादी केन्द्रका अध्यक्ष प्रचण्डलाई निरन्तरता दिनेगरि एमालेबाट उपाध्यक्ष विष्णु पौडेलको नेतृत्वमा अर्थमन्त्रालय लिएर सरकारमा जाने मोटामोटी सहमति भएको अध्यक्ष ओलीको सचिवालय स्रोतको दाबी छ ।
यता, रास्वपाबाट सभापति रवि लामिछानेको नेतृत्वमा गृहमन्त्रीसहित सरकारमा सहभागी हुने बताइएको छ ।
Facebook Comment
Comment