काठमाडौं । प्यालेस्टिनी अतिवादी संगठन हमासले इजरायलमा आक्रमण गरेपछि दर्जनौंलाई बन्धक बनाएको छ । हमासले कतिजनालाई बन्धक बनाएर राखेको छ भन्ने अझै स्पष्ट हुन सकेको छैन ।
संयुक्त राष्ट्रका लागि इजरायलका राजदूत गिलाड एर्डनले इजरायलबाट अपहरण गरेर लगिएकाको संख्या १०० देखि १५० को बीचमा भएको बताएका छन् । ति मध्ये कति सेना र कति सर्वसाधारण छन् भन्ने अझै स्पष्ट नभएको उनले बताए ।
इजरायली सेनाका प्रवक्ता ड्यानियल हगारीले ५० बन्धकका परिवारलाई जानकारी गराएको बताए । बन्धक भएको पुष्टि गरेपछि थप परिवारलाई सम्पर्क गरिने उनको भनाइ छ ।
हमासका तर्फबाट पनि बन्धकको संख्या सार्वजनिक गरिएको छैन । बन्धक बनाएकालाई गाजाका सुरुङहरुमा राखिएको छ ।
इजरायलीका अलावा अमेरिकी, बेलायती र अन्य कतिपय देशका नागरिकलाई समेत हमासले बन्धक बनाएको छ । यसअघि हमासले गाजामा आक्रमण नरोके बन्धकलाई मार्ने चेतावनी दिएको थियो ।
Facebook Comment
Comment