गाजा। स्ट्रिपमा तीन शीर्ष प्यालेस्टिनी इस्लामिक जिहाद आतंकवादीहरूको मंगलबारको लक्षित हत्यापछि गाजा नजिकै बसोबास गर्ने हजारौं इजरायलीहरूलाई स्थानान्तरण गरिएको छ। यसैबीच रक्षामन्त्री योभ ग्यालान्टले गाजामा आतंकवादी गुटहरूबाट जवाफी रकेट फायरको प्रत्याशामा ‘गस्ट अफ विन्ड’ नामले चिनिने उक्त कदम बारे चनाखो हुँदै सचेत र सुरक्षित हुने योजनालाई अनुमोदन गरेका छन् ।
त्यसैगरी, गाजा-क्षेत्रका बासिन्दाहरू आफ्नै पहलमा अस्थायी रूपमा देशका अन्य भागहरूमा सरेका छन्। सुरक्षित स्थानान्तरण कार्यक्रम स्थानीय अधिकारीहरूद्वारा सञ्चालित छ र गाजा सीमा नजिकका इलाकाका प्रत्येक बासिन्दालाई गेस्टहाउसहरूमा राज्यको सहयोगमा व्यवस्थापन गरिँदै गरेको रक्षा मन्त्रालयको विज्ञप्तिमा जनाइएको छ।
यसैबीच, शिक्षा मन्त्रालयले बुधबार ४५ किलोमिटर भित्रका समुदायमा विद्यालय सञ्चालन नगर्ने घोषणा गरेको छ । सो निर्णयबाट करिब ३ लाख विद्यार्थीहरूलाई असर पर्नेछ । होम फ्रन्ट कमान्डको निर्देशनअनुसार गाजा पट्टी नजिकका यी क्षेत्रहरूमा सार्वजनिक जमघटहरूमा कडाइ गरिएको छ । खुला क्षेत्रमा १० व्यक्ति र भवनमा १०० जनासम्म सीमित हुनुपर्ने प्रावधान जारी गरिएको छ ।
सार्वजनिक आश्रय स्थलहरू तेल अवीवका साथै गिवाताइम, रमत गान र अन्य नगरपालिकाहरूमा खोलिएका छन् ।-रासस
Facebook Comment
Comment