टर्की भूकम्पमा तीन नेपाली सम्पर्कविहीन

नेपालभ्युज

काठमाडौं। टर्की र सिरियाको सीमानजिकै गएको शक्तिशाली भूकम्पमा परेर तीन जना नेपाली सम्पर्कविहीन भएको पाइएको छ । सम्पर्कविहीन भएका नेपाली कहाँका हुन् भन्ने खुलेको छैन।

टर्कीस्थित नेपाली दूतावास नभएको कारण त्यहाँ कति संख्यामा नेपालीहरू रहेका छन् भन्ने यकिन तथ्यांक नभएको टर्कीलाई हेर्ने पाकिस्तानस्थित नेपाली दूतावासले जानकारी दिएको छ ।

पछिल्लो समाचारअनुसार वैध र अवैधरूपमा गरेर ४ हजारदेखि ५ हजारको हाराहारीमा नेपालीहरू त्यहाँ रहेको अनुमान गरिएको छ ।

सोमबार बिहानको विनाशकारी भूकम्पका कारण टर्की र सिरियामा ठूलो मानवीय र भौतिक क्षति भएको छ ।