जनकपुरधाम । मधेस प्रदेशका मुख्यमन्त्री सरोजकुमार यादवले सबै दलको विश्वासको मत पाएका छन् । उनले सदनमा उपस्थित सबै सांसदको मत पाए ।
बुधबारको प्रदेशसभा बैठकम १०२ जना सांसदले मुख्यमन्त्री यादवलाई विश्वासको मत दिएका हुन् ।
जसपा संसदीय दलका नेता यादव पुस २७ गते ६३ सांसदको समर्थनमा मुख्यमन्त्री नियुक्त भएका थिए । तर उनलाई कांग्रेससहित सबै दलले विश्वासको मत दिएका हुन् । मधेस प्रदेशसभामा १० दल छन् ।
मुख्यमन्त्री यादवलाई एमालेका २४, कांग्रेसका २२, जसपाका १६, जनमत पार्टीका १३, लोसपाका ९, माओवादी केन्द्रका ७, एकीकृत समाजवादीका ७, नागरिक उन्मुक्ति, राष्ट्रिय प्रजातन्त्र पार्टी र संघीय समाजवादी पार्टीका १/१ तथा पाँचजना स्वतन्त्र सांसदले विश्वासको मत दिए ।
मधेसको प्रदेशसभामा १०५ सांसद छन् । माओवादीका दुईजना सांसदको शपथ रोकिएको छ भने सभामुखबाहेक अन्य सबैले मुख्यमन्त्रीलाई विश्वासको मत दिएका छन् ।
Facebook Comment
Comment