डीएसपी ठगबहादुरमाथि ठगीको आरोप, सीआबीईले अनुसन्धान गर्दै

बुटवल । इलाका प्रहरी कार्यालय बुटवलका प्रमुख रहेका डीएसपी ठगबहादुर केसी ठगी प्रकरणमा मुछिएका छन् । उनलाई व्यापारिको सुन हडपेको आरोप लागेको छ ।

पीडितले उजुरी दिएपछि केन्द्रीय अनुसन्धान ब्यूरो (सीआईबी) को टोलीले आइतबार साँझदेखि केसीलाई नियन्त्रणमा राखेर अनुसन्धान गरिरहेको छ ।

इलाका प्रहरी कार्यालयबाट जिल्ला प्रहरी कार्यालय कास्कीमा सरुवा भएका केसी आज रमाना बुझ्न जाने तयारी हुँदै गर्दा सीआईबीको टोलीले नियन्त्रणमा लिएर अुनसन्धान अघि बढाएको हो ।

काठमाडौंबाट आएको टोलीले उनलाई जिल्ला प्रहरी कार्यालयमा राखेर अनुसन्धान गरिरहेको छ । केसीको घरबाट ३५ तोला सुन र १८ लाख रुपैयाँ समेत बरामद भएको सीआईबीले जनाएको छ ।

डिएसपी ठगबहादुरबाट कुटिएका वडाध्यक्ष भन्छन्- मलाई लात्तीले धकेलेर पोखरीमा फालियो

केसीमाथि गत मंसिरमा बुटवलका एक व्यापारीले ल्याएको सुन नियन्त्रणमा लिएर आफैँले राखेको र व्यापारीसँग २५ लाख रुपैयाँ मागेको आरोप लागेको छ ।

व्यापारीले २५ लाख रुपैयाँ बुझाए पनि केसीले सुन फिर्ता दिएका थिएनन् । त्यसपछि पीडितले उजुरी हालेपछि प्रहरी प्रधान कार्यालयको निर्देशनमा सीआइबीले अनुसन्धान अघि बढाएको हो ।

केसीले आफूलाई गृह मन्त्री बालकृष्ण खाणको नजिकको भन्दै बुटवलका व्यवसायीसँग रकम असुली गर्दै आएका थिए ।