लिभरपुलमाथि आर्सनलको रोमाञ्चक जित, पुन: शीर्ष स्थानमा उक्लियो

नेपालभ्युज

काठमाडौं. इङ्लिस प्रिमियर लिगमा आर्सनलले लिभरपुलमाथि रोमाञ्चक जित निकालेको छ । एमिरेट्स स्टेडियममा आइतबार भएको खेलमा आर्सनलले लिभरपुललाई ३–२ गोलअन्तरले पराजित गरेको हो । जितसँगै २४ अंकसहित आर्सनल अङ्क तालिकाको शीर्ष स्थानमा पुगेको छ ।

आर्सनलको लागि गेब्रियल मार्टिनेलले २ र बुकायो साकाले १ गोल गरे । लिभरपुलका लागि डार्विन नुनेज र रोबर्टो फर्मिनोले गोल फर्काए ।

खेलको पहिलो मिनेटमा नै मार्टिनेलीले गोल गर्दै आर्सनललाई अग्रता दिलाए । खेलको ३४ औँ मिनेटमा लिभरपुलका नुनेजले गोल फर्काएर खेललाई बराबरीमा पुर्याए । पहिलो इन्जुरी समयमा साकाले आर्सनललाई पुन अग्रता दिलाए ।

लिभरपुलका रोबर्टो फर्मिनोले ५३ औँ मिनेटमा खेललाई बराबरीमा पुर्या‍ए । खेलका ७६ औँ मिनेटमा आर्सनलले पाएको पेनाल्टिमा साकाले तेस्रो गोल गरेपछि थप गोल भएन र आर्सनल विजयी भयो ।