आर्सनलको सातौँ जित

नेपालभ्युज

काठमाडौं । इङ्लिश प्रिमियर लिगमा आर्सनलले सातौँ जित निकालेको छ । ब्रेन्टफोडको गृह मैदानमा आइतबार भएको खेलमा आर्सनलले ब्रेन्टफोर्डलाई ३–० गोल अन्तरले पराजित गरेको हो ।

आर्सनलका लागि विलियम सालिबा, गेब्रिलय जिसस र फाबियो भियेराले गोल गरे । खेलको १७ औँ मिनेटमा सालिबाको गोलले आर्सनलले अग्रता लियो । खेलको २८ औँ मिनेटमा जिससले दोस्रो गोल गरे । भियेराले ४९ औँ मिनेटमा तेस्रो गोल गरे ।

अर्को खेलमा एभर्टन र वेस्ट ह्याम यूनाईटेड राति ७ बजे आमने सामने हुनेछन् । एभर्टन पहिलो जितको खोजीमा छ भने वेस्ट ह्याम दोस्रो जित निकाल्न चाहन्छ ।