जनैपूर्णिमा र गाईजात्रा साउन २७ मै : नेपाल पञ्चाङ निर्णायक समिति

नेपालभ्युज

काठमाडौं । नेपाल पञ्चाङ निर्णयक समितिले साउन २७ गते शुक्रबार एकै दिन जनैपूर्णिमा, रक्षाबन्धन र गाईजात्रा पर्ने स्पष्ट पारेको छ । शुक्रबार एकै दिन रक्षा बन्धन, जनैपूर्णिमा र गाईजात्रा परेकोमा विभिन्न टिका टिप्पणी भइरहेको बेला समितिले यस्तो जनाएको हो ।

कुनै पनि भ्रममा नपरी र कुनै सन्देह नराखी सोही दिन आफ्ना कृत्यहरु गर्न गराउन समितिले सबैलाई आग्रह समेत गरेको छ ।

बिहीबार नै पूर्णिमा तिथि सुरु हुने भए पनि भद्रा पर्ने भएकाले त्यसको भोलिपल्ट शुक्रबार जनैपूर्णिमा तथा रक्षाबन्धन गर्न उचित हुने समितिले जनाएको हो ।