इजरायलले गाजामा गरेको आक्रमणमा ३२ जनाको मृत्यु

प्यालेस्टिनी स्वास्थ्य मन्त्रालयले मृत्यु हुनेमा बालबालिकासमेत रहेको बताएको छ।

नेपालभ्युज

काठमाडौं। इजरायलले गाजा क्षेत्रमा गरेको आक्रमणमा कम्तिमा ३२ जनाको मृत्यु भएको छ ।

इजरायली सेनाले हतियारधारी समूह प्यालेस्टायन इस्लामिक जिहादका लडाकू विरुद्ध गरेको कारबाहीमा नेता खालेद मन्सुर र तेसीर जाबिरी पनि कारबाहीमा मारिएको दाबी गरेको छ ।

मन्सुर जिहादका दोश्रो तहका नेता हुन् । प्यालेस्टिनी स्वास्थ्य मन्त्रालयले मृत्यु हुनेमा बालबालिकासमेत रहेको बताएको छ।
इजरायली सेनाले गरेको कारबाहीको प्रतिउत्तरमा प्यालेस्टायनबाट शुक्रबारदेखि अहिलेसम्ममा ६०० वटा रकेट हानिएको अन्तर्राष्ट्रिय सञ्चार माध्यमले जनाएका छन् ।

इजरायलले सन् २०२१ को मेमा ११ दिनसम्म चलेको लडाईँपछि अहिले सबैभन्दा ठूलो कारबाही सुरु अन्तर्राष्ट्रिय संचारमाध्यमले जनाएका छन्। यो कारबाही एक हप्तासम्म चल्ने उसले बताएको छ । २०२१ मेमा इजरेलले गरेको आक्रमणमा २०० जना प्यालेस्टायनीको मृत्यु भएको थियो ।