गुजरात टाइटान्स : जसले डेब्यूमै जित्यो आईपीएल उपाधि

काठमाडौं। इन्डियन प्रिमियर लिग (आईपीएल) टी–ट्वान्टी क्रिकेटमा यस सिजनदेखि नयाँ टोलीको रुपमा प्रवेश गरेको टोली गुजरात टाइटन्सले पहिलो सहभागितामै उपाधि जितेको छ।

गएराति भएको उपाधि भिडन्तमा राजस्थान रोयल्सलाई ७ विकेटले पराजित गर्दै गुजरात प्रतियोगितामा सहभागिता जनाएको पहिलो सिजनमै च्याम्पियन बनेको हो।

अहमदाबादमा टस जितेर पहिले ब्याटिङमा उत्रिएको राजस्थानले १३० रन बनायो। उसले २० ओभरमा ९ विकेट गुमाएर १३० रन जोडेको थियो।

राजस्थानका लागि जोश बट्लरले सर्वाधिक ३९ रन जोडे। यस्तै, याशभी जैसवालले २२ रन जोड्दा रियान परागले १५ रन जोडे। कप्तान सन्जु सामसन १४ रनमा आउट भए।

गुजरातका हार्दिक पान्डेयले ३ तथा साई किशोरले २ विकेट लिए।

१३१ रनको विजयी लक्ष्य पछ्याएको गुजरातले १८ ओभर १ बलमा ३ विकेट गुमाएर लक्ष्य पूरा गर्यो।

𝗖. 𝗛. 𝗔. 𝗠. 𝗣. 𝗜. 𝗢. 𝗡. 𝗦! 🏆 🙌

That moment when the @gujarat_titans captain @hardikpandya7 received the IPL trophy from the hands of Mr. @SGanguly99, President, BCCI and Mr. @JayShah, Honorary Secretary, BCCI. 👏 👏#TATAIPL | #GTvRR pic.twitter.com/QKmqRcemlY

— IndianPremierLeague (@IPL) May 29, 2022

उसका लागि सुबमन गिलले अविजित रहँदै सर्वाधिक ४५ रन बनाए। कप्तान हार्दिक पान्डेय ३४ रनमा आउट भए। डेभिड मिलर ३२ रनमा अविजित रहे। म्याथ्यू वेड ८ र रिद्धिमान शाह ५ रनमा आउट भए।

राजस्थानका ट्रेन्ट बोल्ड, प्रसिद्ध कृष्ण र युजभेन्द्र चाहलले १÷१ विकेट लिए।

जितसँगै गुजरातले राजस्थानलाई लगातार तेस्रो खेलमा पराजित गर्यो। पहिलो क्वालिफायरमा गुजरातले राजस्थानलाई ७ विकेटले हराएर फाइनल पुगेको थियो।