फेरिए नेपाल आइडलका निर्णायक

नेपालभ्युज

काठमाडाैं : नेपाल आइडल सिजन ४ को निर्णायकहरू फेरिएका छन्।

नयाँ निर्णायकमा शम्भूजित बाँस्कोटा, सुगम पोखरेल र शिवानी मोक्तान चयन भएका छन्। संगीतकार बाँस्कोटाले नेपाल आइडलको निर्णायक हुन पाउँदा आफूलाई गर्वको महसुस भएको बताएका छन्। त्यसैगरी गायक पोखरेल र गायिका मोक्तानले पनि नेपाल आइडलसँग सहकार्य गर्न पाउँदा आफूहरूलाई खुसी लागेको प्रतिक्रिया दिए।

यसअघि लगातार तीन संस्करणमा संगीतकार न्यूह बज्राचार्य, गायक तथा संगीतकार कालिप्रसाद बास्कोटा र गायिका इन्दिरा जोशी थिए। आयोजकले केही समयअघि प्रतियोगिताका निर्णायकहरू फेरिने बताइसकेको थियो। साथै यो सिजनमा आशिफ साहसँगै प्रस्तोतामा मोडल रेश्मा घिमिरे पनि जोडिएकी छन्।

प्रतियोगिता एपिवान् टेलिभिजनमार्फत प्रसारण हुने गर्छ।