केपी ओली कप क्रिकेटमा सुदूरपश्चिममाथि मधेसको सहज जित

काठमाडौं। केपी ओली कप टी–२० क्रिकेट प्रतियोगितामा मधेसले सुदूरपश्चिम प्रदेशलाई पराजित गरेको छ।

पोखरा रंगशालामा सोमबार भएको खेलमा मधेसले सुदूरपश्चिमलाई ८ विकेटले पराजित गरेको हो। ५९ रनको झिनो लक्ष्य मधेसले ४.४ ओभरमा २ विकेटको क्षतिमा पूरा गर्यो। मधेसको लागि अनिल साहले २५ रन बनाउँदा इम्रान शेख १७ र पवन सर्राफ १४ रनमा अविजित रहे। कप्तान हरिशंकर शाह भने डगआउट भए। सुदूरपश्चिमको लागि गजेन्द्र बोहोराले २ विकेट लिए।

पहिले ब्याटिङ गरेको सुदूरपश्चिम १५.५ ओभरमा ५८ रनमा अलआउट भयो। सुदूरपश्चिमको लागि नरेन साउदले १८ तथा भोज राज भट्ट र किरण थगुन्नाले १०–१० रन बनाए। मधेशको लागि भने हरिशंकरण शाहले ४, रुपेश सिंहले ३ तथा विशाल सुस्लिङ, प्रदिप पवन, र विशाल पटेलले १–१ विकेट लिए।